Interi nuk heq dorë nga Luka Modric. Fituesi i Topit të Artë është ëndërra në sirtarë e zikaltërve, që rivendos sërish në listën e dëshirave kroatin e Realit të Madridit.
Sipas gazetës spanjolle “Marca”, Inter do t’i japë një tjetër ofensivë në verën e vitit 2019, me operacionin që tashmë pritet të udhëhiqet nga drejtori ekzekutiv i Interit, Beppe Marotta.
Marotta ndihmoi për kalimin e Cristiano Ronaldos nga Reali i Madridit tek Juventusi dhe shpreson të bëj sërish një marrëveshje interesante në kryeqytetin spanjoll.
Interi thuhet se ofron 10 milion euro neto për një kontratë katërvjeçare, me një plan për t’u bashkuar me skuadrën kineze, Jiangsu Suning edhe për dy vite tjera.
Shfaq Komentet (0)